ИРКБ хьал миштад тохкаш хилар МЧС
РФ Президента тӀадилла, ер шу йистедаллалца массайолча моттигашкара хьал тохкаш, болх дӀахьош ба МЧС викалаш. Вай республикерча Россе МЧС ГУ болхлоша, эггара хьалха дарбанчешкара хьал малагӀча боараме латт хьожаш, дӀаболабир из болх. Из хоам «Сердалога» бир цу моттигера.
Республикерча клинически дарбанче тохкам беш ба уж укх деношка. Гучадаьнна кхоачамбоацараш юстардаха, аьнна, тӀадиллад дарбанчен кулгалхошта.
«Тохкама болх дӀахо дӀахьош да тхо. Массехк кхоачамбоацар да гучадаьнна. Болх йистебаьлча, уж дерригаш теркаме лоацаш, къамаьл дергда оаха кулгалхошца. Тохкам беш, кхерамзлен хьал лорадарах болча инспектораша хьалхадаьккхар, эггара хьалха теркалде дезар фуд», - аьлар цу оагӀорахьара тӀахьожам лоаттаберашта хьалха латтача Котанаькъан Ахьмада.
