Ишколашкара хьал тахка арабаьлар МЧС болхлой
![Ишколашкара хьал тахка арабаьлар МЧС болхлой](http://serdalo.ru/storage/zmeJWLCoskGIdAqjXwv1d2we1ItdJc4aWhACilie.jpg)
Дешара шу хьатӀаотташ, ишколашкара цӀерацарча кхерамзлен хьал малагӀча боараме латт тахка арабаьлар МЧС болхлой. Из хоам «Сердалога» бир моттигерча ГУ МЧС.
Йоккхача Ачалкхерча № 17 йолча ишколера хьал миштад хьажа ваха хилар Ужахьанаькъан Хьасан. Ишкола чухьнахьара моттигаш тохкаш болх дӀабахьарал совгӀа, ишкола гонахьарча дерригача доазонга хьежар из.»
ЦӀи яьнна хатар хилча хоам беш йола моттиг боаггӀача боараме яр, цӀера духьале еш эшаш дола гӀирсаш кийча латтар. Цхьаккха кхоачамбоацар юкъе доацаш, дӀабахар цигара тохкама болх. Цул совгӀа, моллагӀа хатар хилча эггара хьалхарча аргӀагӀа де дезараш хьалхадаьхар ишкола кулгалхошта», - цох тхога дийцар МЧС викалаша.