«Кхераме доаца салаӀар» яха болам дӀахьош ба МЧС болхлой
10.06.2025 11:20
Республикерча салоӀама лагерашка, берашта лаьрхӀа «Са кхераме доаца салаӀар» яха болам дӀахьош ба мехкарча МЧС болхлой. ЦӀерцарча кхерамзленах дувцаш ба уж хӀара лагере, цига кхетаченашка вӀашагӀбетталуш.
Шолжа шахьарерча «Седкъий куп» яхача лагере хилар аргӀанара кхетаче. МЧС болхло вола Дударанаькъан ИбрахӀим вар берашта цӀерцарча кхерамзленах дувцаш хиннар.
«ЦӀи йоаеш долча гӀирсашка, цӀера юкъе чуводача хана лелаеча мӀаьжгашка хьожаш, из болх чӀоагӀа тамашийна хеташ дар бераш. Иштта цу оагӀонцарча викторине дакъа лоацаш, цӀерца дувзаденнараш довзаш хилар уж», - яхаш, хоам бу тхога республикерча Росси МЧС ГУ зарбан болх лелабераша.
