МЧСо, цӀера духьалара къовсам лоаттабеш, болх бу нахаца
Хьалххе нахаца бу болх - из цӀи ялара духьала къовсам лоаттабеча дькъе дикагӀдар да, иштта лоархӀ МЧС болхлоша; цудухьа, кӀаьд ца луш, нахаца болх дӀахьу цар предприятешка, дешара моттигашка, нах бахача вӀаштӀара даьча цӀеношка. Иштта болх дӀабихьар Наьсарен- Шахьаре, Наьсарен кхален Эккажкъонгий-Юрта. Из хоам «Сердало» газетага бир ГӀалгӀай Республике гӀолла йолча Россе МЧС ГУ зарбан болх лелабераша.
Эккажкъонгий-Юртарча бахархошта хьалхадаьккхар, республикан доазон тӀа цӀи ялара кхерам бола хьал хилар, цо тӀахьех хӀара саг, цӀера кхерамзле лораеш хилара. Из лораеш ца хуле, административни бехктокхаме оз саг.
«Нахаца шоаш болх дӀахьош, цу боахама болхлоша белгалду, хьалхарча аргӀагӀа ха дезаш дар, цӀи йоаеш де дезар фуд, хӀама лотаенна моттиг хилча фу де деза. Бахархошта цӀера кхерамзлен бокъонаш тӀайола каьхаташ делар», - аьлар ГӀалгӀайчен МЧС викалаша.
