Царех 20 машин «Гранта» я, цаӀ «Патриот» яха тайпа я. Из МагӀалбика кхален дӀаяла лаьрхӀад, халача моттигашка леларгйолаш. Керда транспорт республикан йиъ кхаленна дӀакхаьчай. Ерригача ЦРБ кхаьчай кхо машен. 50 эзар а кӀазигагӀа а нах бахача юрташта, шишша машин лургья.

Уж машинаш вайцига хьаяйта хиларах, доккха новкъостал хул. Цо таро хулийт, вай бахархошка лорий новкъостал ший ханнахьа дӀакхачийта», -аьлар ГӀалгӀай Республикан унахцӀенон министра Антошканаькъан Заремас.

Белгалду, дарбанчешкара автопарк кердаяккхар чудоагӀаш да, «УнахцӀенон терко лоаттаяр» яхача программанна.