200 совгӏа къона лор арахийцар ИнгГУ Лорий институто
Гӏалгӏай паччахьалкхен университета Овшанаькъан Х.ӏ. цӏерах йолча Лорий институте дийша баьннарашта дипломаш дӏалуш кхетаче хилар. Эггара лоархӏамегӏа дола гӏулакх дӏахьош къахьега лаьрхӏараш 204 саг вар. Республикерча, мехкарча унахцӏенон оагӏонцарча моттигашка дӏа-хьа нийслургба; дӏаьхача шерашка из лоархӏаме гӏулакх ӏомадеш къахьийгараш, наха дарба де баха кийчабараш.
«13 студента шоай дешар цӏеча дипломашца чакхдаьккхар. Шоаш ӏомадаь гӏулакх наха пайда беш доаржаде сиха бале а, дӏаьхача шерашка бӏарчча денош дӏакхухьаш хиннача моттигацара къасташ хало дар цхьацца болча студенташта. Кхетаче хиннача хьехархоша, хьаьшаша хозача, дог ураоттадеча дешашца даькъалабийцар уж боккхача наькъ тӏа къахьега, наха пайдане болаш шоай гӏулакх дӏадахьа. Лор волча сага хьалхашка латтараш чӏоагӏа лоархӏаме, доккхий декхараш да, из кхетадеш шоай гӏулакх боаггӏача боараме лораде аьттув, хьинар хилда цар», - дийцар «Сердалога» цу моттига болхлоша.
Дӏахо къонача лорашка хьеж аккредитаци, ординатура, дарбанче шоай болх дикка шаьрбеш къахьегар.
