Лораш кийча ба, аллерги оалача лазара тӀахьожам лоаттабе
КӀимарса бетта 8-ча дийнахьа, Дерригача дунен аллерги оалача лазарца къовсам лоаттабара Ди долаш, ГӏалгӀайчен лораша йоах, шоаш моллагӀча хана новкъостал де кийча ба, цунна дарба деш.
ДукхагӀча даькъе, Шолжерча ЦРБ лораша яхачох, аллерги цхьан пунчеца е йоккха йоацача халонца чакхдоалаш дац, цо кхоачаву, масала, бронхиальни астмага.
Цунца дувзаденна, лораша нах тӀахьех хьалхара цу лазара юхьиг дӀайолалуш говзанчашта тӀабахара.
«Лора аллерголога-иммунолога мара ховргдац эшача моттиге саг чакхваккха, долаш дола лазар гучадаккха (е аллергенаш), лазара бахьан нийса гучадаккха.
Дарба дара оагӀон тӀара ма довла. Лоро лохаргда шоана эшаш дола дарба, могашал тоаеш; иштта дергда мах бола хьехамаш, фу яа еза, мишта хила веза аллергенашца кӀезигагӀа нийслургволаш.
Аллерги оала лазар дар аьнна сага вахар паргӀата а лерттӀа а хила деза! Керттердар - цу хьалаца цхьаь ца висар. Тха говзанчаш массахана кийча ба шоана новкъостал де», - аьлар Шолжерча ЦРБ.
