Хьалхашка латтача керттерча декхарех дийцар лораша
2024-гӀа шу дӀадоладелча денз, кхоачашдаьча керттерча декхарех дийцар унахцӀенон гӀулакхех йолча Министерствонна хьалха латтача Антошканаькъан Заремас кулгал деш дӀайихьача кхетаче. Из хоам «Сердалога» бир цу моттигера.
Лорашца дӀайихьача кхетаче дийцачун юкъе керттера моттиг дӀалоацаш дар бахархошца хан-ханнахьа болх дӀакхахьар, дарбанчешка эшаш бола лораш хилийтар, хӀара моттигера бахархой дӀаязбеш бола болх чакхбаккхар.
«Шоай балхацара говзал лакхъеш йолча курсашка ахийта беза лораш. Бахархой лазарех лорабара тӀехьа дӀакхухьаш болча балха хьал соахка хинначул толашагӀа дар укх шера. Вахаре боацача наьха цӀераш дӀайоаеш, нах дӀаязбеш, чакхбаьккха болх гойтар кхетаче. ДӀахойодача хана, кхоачашде дезараш хьалхадаьхар министерствон кулгалхочо», - дийцар газетага.
