Цу тайпара аргӀанара болам дӀабихьар республикан юртбоахама Министерстве, яхаш, дийцар «Сердало» газетага ГӀалгӀай республикан унахцӀенон Министерстве.

Ахархой болча баьхкар, шоай лорий гӀирс бахьаш, болхлой могашал миштай хьажа дага бола могашал лораераш. Уж бар республикански юкъарлон могашала, лорий профилактикан центра болхлой, шоашца Наьсарен шахьара поликлиника лораш а болаш.

«Нахага хаттараш деш бола болх а дӀабихьар, цӀий лакха дий хьежар, лабораторен тохкамаш сихача кепара дара болх бир, кизга оттадир, кхыдолча лазарашка хьежар.

Цар дӀадийкъар хьехамаш деш дола каьхаташ, иштта хьалхадаьккхар лорашка ший ханнахьа чакхвалар лоархӀаме хилар», - аьлар унахцӀенон хаьхоша.