Российски ветераний Союза моттигерча даькъа кулгалхочунца кхетаче дӏайихьар Магаса мэра
Магаса мэр волча Тиймарзанаькъан Мусас кхетаче дӏайихьар Российски ветераний Союза моттигерча оагӏон кулгал деча Гелисханаькъан Мухьмадаца. Из хоам «Сердалога» бир мэре болхлоша.
«Шахьара дас лакха мах оттабир цар балха, баркал аьлар цу оагӏонца къахьегарашта. Тахан геттара лоархӏаме да СВО ветеранашка хьажар, царна гӏо лоаттаде кийча хилар», - йоах тхогарча хоамо.
Гелисханаькъан Мухьмада баркал аьлар шахьара даьна гӏо лоаттадара тӏехьа оагӏув хьаллоацаш хиларах. «Гӏо лоаттадарцара турпал» яха Российски ветераний Союзагара майдилг елар цо мэра. Иштта «Лоархӏаме белгало» яха Союзагара совгӏат делар Магаса мэра гӏонча волча Султиганаькъан Мусайна, мэре зарбан болх лелабеча оагӏонна кулгал деча Йовлой Марьянайна. Даьхе лораеш латтарий гӏулакхага хьажара тӏехьа чӏоагӏа лоархӏаме да шахьарерча хьакимашта, ветераний Союза юкъе массахана бувзам хилар.
