Госконтрактех дола ахча гоадарах гӏод техар Илдарха-Гӏалий тӏарча мэра
УФАСо белгалдечох, госконтрактех ахча дӏадала гоадарах гӏод техар Шолжа-Шахьарерча мэра.
Прокуратурас гучадаьккхачох, муниципальни контрактех дола ахча гоадеш ва мэр. Дӏабихьача балхо хьахьекхар, 2025-ча шера подрядчикашта, цхьацца кхоачам лоаттаберашта дӏатела дезаш хинна ахча администраце ханнахьа дӏа ца деннилга. 8,2 млн сомах йолча 13 контрактах ахча гоадеш дӏатийнад: цхьацца йолча моттигашка массехк дийнахьа, хӏаьта цхьайолча моттигашка кӏираш, бетташ доахаш гоадаьд.
Оагӏой бетта дӏадала дезаш хиннар 2026-ча шерарча саькура бетта мара дӏаденнадац цхьаннахьа. Цу оагӏонцарча бокъонга диллача, ахча ханнахьа дӏатела дезаш ба уж.
Ма дарра аьлча, контракто къоастаяь латта ха лораеш дӏабахьа безаш ба из болх, хӏаьта Илдарха-Гӏалий тӏарча мэре из гӏулакх лорадар ледара лаьттад. Из бахьан долаш шахьара мэра 50 эзар сом гӏод техар УФАСа болхлоша.
