Татарстана, Гӏалгӏайчен юкъера авиабувзам меттаоттабеш ба
Хьатӏабоагӏача бетта 6-ча дийнахьа Казани Магаси яхача шахьарашта юкъера авиабувзам меттаоттабергба. Цу наькъах леларгдолча фецарча кемай болх дӏатӏаийцаб «ЮВТ АЭРО» яхача авиакомпане. Кӏира цкъа, шинарча дийнахьа, гӏоргда фецара кема. Вай мехкара, Татарстанера бахархой шоайла хьоашалгӏа аха йиш йолаш ба, наькъаш ца хувцаш.
«Дӏадахача шера Минниханов Рустам вай мехка венача хана, дийцадар оаха цу наькъа хӏама юха дийнде деза, аьнна. Татарстанаи Гӏалгӏайчени юкъе дукха гӏулакхаш, юкъера бувзамаш да. Шин республике бахача наха дикка оатто еш да фецарча кемай никъ юха хьабеллар», - язду ший Телеграм-оагӏон тӏа вай мехкадас Келаматанаькъан Махьмуд-Ӏаьлас.
Республикан кулгалхочо теркалдир, Татарстанаи Гӏалгӏайчени юкъера бувзам чӏоагӏбара тӏехьа белгалдаьраш тахан пайда боаржабеш долга.
