РФ Федераце Совета сенатора дарже хьожаваьв Илезанаькъан Микаил
ГӀалгӀай республикан кулгалхочун Келаматанаькъан Махьмуд-Ӏаьлий Амарах, РФ Президента балхаца вувзавенна хинна ГӀалгӀай Республикан массазара викал Илезанаькъан Микаил РФ Федераце Совета сенатора дарже хьожаваьв. Цо хьалха лелабаь болх беш хургья цун гӀонча Ростова Дина, яхаш, дийцар ГӀалгӀай Республикан Паччахьалкхен зарбан болх лелабераша.
Республике Илезанаькъан Микаил дагавоагӀа, паччахьалкхен вице-премьер хинна хиларах. Цу хана из вар «ЦаӀ йолча Россе» моттигерча отделене секретарь. ГӀалгӀайчен паччахьалкхе балха валехь, Микаил вар «Россе почта» яхача департамента кулгал деш.
«Цул совгӀа, керда сенатор хиннав Федеральни миграционни гӀулакха кулгалхо; республикан промышленноста, транспорта, бувзама, энергетикан Комитета кулгалхо; ГӀалгӀайчен Паччахьалкхен Аппарата керте латташ. Илезанаькъан Микаил шиъ лакхара дешар дийша ва, из ва юридически Ӏилмай кандидат, федеральни а республикан а боараме лакхара паччахьалкхен совгӀаташ деннад цунна», - йоах хьабайтача хоамо.
