Ишколашта юхерча наькъаш тIа, басарца яь белгалонаш кердайоахаш латт
![](http://serdalo.ru/storage/zwPWpFy8GZtquh42G6WVHhrd8AHdNJvpq9j7rrA3.webp)
Ишколашта юхерча наькъаш тIара къоастам беш дола басараш кердадоахаш, болх дIакхухь республике каст-каста. Ишттача мугIарера болх бе арабаьлар къахьегамхой укх наькъа а. Из хоам «Сердалога» бу республикерча наькъашкарча хьалах йолча Министерствон къахьегамхоша.
«Цу балха керттера декхар - машинаца воагIачунна гаьннара ховргдолаш, цу моттиге гIолла сиха ваха йиш йоацилга; цIаьхха, бер гучадаларга кийча, фийла хила везилга», - дийцар тхога министерстве.
Белгалде деза, наькъашкара басараш кердадахарал совгIа, наькъа йистош цIенъеш, буц дIахьокхаш, болх дIахьош латтилга. Хан-ханнахьа арабоал къахьегамхой, шоай декхараш кхоачашде. Аьттонца бахалба уж беркате болхлой!