«Фаьлг болча хьоашалгӏа» яха фестиваль дӏахьоргья Миннацо
«Фаьлг болча хьоашалгӏа» яха фестиваль дӏаяхьа кийчо еш ба вай мехкарча Миннаце. Эрсий къаман фаьлгех, Даькъастен къамий фольклорах оттаяь спектаклаш я цу юкъегӏоргьяраш. Кхоллама яхьашта юкъе бола аьттув ба дешархой, моттигерча культуран доакъашхой. Тов бетта 28-ча денга кхаччалца чуийдергда дехараш, хӏаьта фестиваль ардара бетта 6-ча денгара 15-ча денга кхаччалца хургья.
«15 минот ха дӏалоацаш йола цхьа спектакль гойта йиш я хӏара моттиго. Хӏаьта болх тайп-тайпара хила йиш я: драматизаци, мукъамий спектакль, иштта кхыдола оагӏонаш. Деза совгӏаташ, дипломаш луш белгалбергба котбаьннараш. Цу балхаца дувзаденнараш довза йиш я тха таьрахьашцарча оагӏонца», - дийцар «Сердалога» Миннаце.
Фестивала яхьаш мичахьа дӏахьош хургья дӏахойтаргда доакъашхошта из моттиг вӏашагӏъеллараша. Чуденнача дехарашцара болх чакхбаьккха баьлча, белгалде лерхӏ цу оагӏонца дувзаденнараш.
