ГӏалгӀайчен дешара Министерствос керасти дир ахчаш гулдара, алапеш тӏехьадахара
ГӏалгӀай Республикан дешара, Ӏилман Министерствос лаьрххӀа кхайкадир Интернет бувзамашка шийна чубоагӀача болхлой кхоачамбоацараш да, яхаш, дувцача къамаьла духьалара алар. Из да, Наьсарен №3 йолча ишкола дешархошкара низагӀа ахчаш гулдар, иштта болхлошта алапеш дӀацадаларах дола къамаьл.
Цу къамаьлех лаьца дешара, Ӏилман Министерствос белгалду, моллагӀа дола ишкола деш дола новкъостал, сага шийна ловш деш хилар. Министерствос цу ишколе тӀахьожама болх дӀабихьар, цига ховш хилар №3 йолча ишкола администраце цхьаккха тайпара ахчаш гулдара болх баь цахилар. Цул совгӀа, массаболча хьехархошта хьалхадаьккхад, цу тайпара хӀама леладе мегаргдоацилга, цу гӀулакха тӀахьожам лоаттабеш хургболга.
Хьехархой алапеш хьацадаларах лаьца аьлча, уж бетта шозза луш да, деррига ахча дӀадахьийтад дешара моттигий чоташ тӀа. Министерствос хоам бу, из хаттар даим теркама юкъе хиларах, болхлоша шоай ханнахьа алапеш хьаийду.
Юххера а, ГӏалгӀай Республикан Министерствос тӀахьех нийсхо лелаяра, цо дӀахо а кхоачамбоацараш дий хьожаш бола болх дӀахьоргба.
