Саг чувоацаш гIетташ дола керда гIирсаш кхоачаргда, Iалама гIулакхех йолча Министерстве
«Ше-ше гIетташ дола авиационни гIирсаш» яхача къаман проектага гIолла, вай мехкарча Iалама гIулакхех йолча Министерстве керда, саг чувоацаш гIетташ дола гIирсаш кхоачаргда. Цу гIулакхаца дувзаденнарех, уж маца хьакхоачаргда техкар Iалама гIулакхех, экологех йолча министерствонна кулгал деча Мизенаькъан Микаила, дукха ха йоацаш Москве ваха волаш.»
Къаьстта терко еш дийцар, из гIулакх ма хулла сихагIа чакхдаккхарах, гоа ца деш гIирсаш хьакхачийтарах. ДIа-хьа дийцачул тIехьагIа, оттаяьча ханал хьалха уж республике хьакхоачийтаргда, аьнна, соцам бир вокх оагIоно», - дийцар министерстве.
Белгалде деза, саг чувоацаш гIетташ долча гIирсаша Iалама гIулакхех йолча министерствон къахьегамхой болх дикка аттача боаккхилга, хьун хьал лорадара тIехьа цар йоккха моттиг дIалоацилга.
