Ӏалама Министерствос дакъа лаьцар, федеральни агентствон кхетаче
Укх деношка, федеральни хьун боахама агентствон кулгалхочо Венглински Алексея кулгал деш, дӀайихьача дӀа-юха гуча кепара хиннача конференце вайцигара викал вар ГӀалгӀай Республикан Ӏалама тароний, экологе хьун даькъ тӀарча кулгалхочун гӀонча Лоалахой Ӏалихан. Цига керттера дийца дош дар, РФ доазон тӀарча хьун даькъ тӀа цӀи ялара кхерамзлен Ӏалашо е езарах, из болх дӀабахьара лаьрххӀа кийчо е езаш хиларах, аьлар республикан Ӏалам лорадара боахама зарбан болх лелабераша.
Кхетаче дӀахьош цига дийцар, де лаьрхӀар кхоачашдара йола ха белгалъяккха езарах.
Ховш ма хиллара, 2024 шера наджгоанцхой бетта 1-ча дийнахьа денз, моттигашкара хьун боахамаш цӀи ялара духьалара а хьу лелаяра лаьрхӀа а йола ши план гойта езаш да.
ДӀаяхьа езаш йола кхетаченаш, доазон тӀарча хьун хьалашка хьежжа хила еза. Хьалхарча аргӀагӀа хьу малагӀча хьале я а хьежа, е еза цӀи ялара духьала еш йола кийчо. ДӀахо хьун боахамаш шоайла вӀашагӀкхеташ хиларга хьежжа, моттигерча дерригача доазон тӀа болх вӀашагӀболла беза», - аьлар ГӀалгӀай Республикан Ӏалама Министерстве.
