Якутецара бувзам чӏоагӏбеш я моттигера минспорт
Якутецара бувзам чӏоагӏбеш ба спорта гӏулакхех йолча министерстве. Якутска берий- кагирхой спорта ишкола кулгалхо волча Рязански Василеца кхетаче хилар Наьсаре цу оагӏонцарча вай мехкарча министерствон хьалха латтача Белхарой Руслана.
«Цхьана кхетаченаш дӏакхухьаш, бувзам чӏоагӏбе лаьрхӏад хьакимаша. Якутска боксах йолча ишкола спортсменаш «Мужече» яхача вай мехкарча спорта моттиге кийчо еш ба тахан. Рязански Василена, министерствогара баркал кхайкадеш, каьхат дӏаделар Белхарой Руслана.
Хӏаьта Рязанский Василе а делар хьакима шоашкара совгӏат, баркал аьлар кийчо еча тоабан гӏулакх дика дӏахьош хиларах», - дийцар тха газетага. Меценат вола Овшанаькъан Рашид ва Якутска тоабо вай мехка кийчо ергйолаш вӏаштӏехьадаьккхар.
Къаьстта баркал аьлар хьакимаша цунна. Иштта йола кхетаченаш дӏакхахьар дӏа-хьа пайда эцара тӏехьа лоархӏаме йолга белгалдир хьакимаша.
