Аккаунт йохкаш волча зуламхочо Магаса вахархочун 16 000 сом лочкъадир

«Магас-Шахьаре гӏолла йолча Россе МВД ха деча даькъ тӏа вера моттигера вахархо, дехар дахьаш. Наха дукхагӏа лелабеча вахара бувзаме гӏолла, аккаунт йохкаш ва ше, аьнна, из саг ӏехаваь, цун ахча лочкъадаьд. Тешаш волча вахархочо зуламхочоа дӏадахьийтад 16 эзар сом. Ше ахча хьаийца ваьлча, «аккаунт йохкаш вар» мича вахар ца ховш къайлаваьлар, цхьаккха бувзам а боацаш», - аьлар бокъонаш лораераша.

Уголовни гӏулакх хьадийллад, хӏанз из лохаш ва. Цхьайолча хана зуламхой аьттув боал саг ӏехаве, из чӏоагӏа лоравала везаш хӏама да.

Из санна дола хьал вайна дукхаза хезад, полице даим хьалхадоакх, цох лоравала везилга.

Гӏалгӏай Республике гӏолла йолча МВД юха а нах тӏахьех, ца бовзача нахаца гӏулакх цалеладара, шоаех бола хоам царга цабара. Сакхетаме хила веза, цу тайпара гӏулакх нийсделча.