Хӏама довзара тӏехьа, къахьегаш ба вай кагирхой
23.09.2025 11:58
Массахана цхьан метте ца латташ, эттача ханаца гӏа боаккхаш, кердача наькъ тӏа пайдане хургдараш довзара тӏехьа къахьегаш хила беза таханара кагирхой. Кийча бий тахан вай къонабараш из шоашта дӏатӏаийца болабала? Цу оагӏонца дувзаденнараш, иштта кхыдараш довзара тӏехьа йола кхетаче дӏайихьар Москве Гӏалгӏайчен массазарча викала фусаме. Шахьаре дешаш бола вай студенташ, йиъ тоабанца бекъабенна, кхетама хьал довзийташ йолча яхьашка, вӏаший гӏорташ бар.
«Анаконда» яхача тоабан студенташта тӏехьа хилар котало. Моллагӏча хӏаман духьа кийча хилар, кхетама хьал, иштта кхыдараш лакхача боараме гойтар цар. Дакъа лоацаш мел хиннарашта баркал оал оаха, иштта хӏама довза гӏерташ, хьинаре, кадай хиларах», - белгалдир Москверча викала фусаме.
