МВД вузашка деша дӏабехаш ба вай мехкара кагирхой
Россе МВД вузашка деша отта кагирхой хьахоржаш, болх ба мехкарча полице дӏахьош. Из хоам «Сердалога» бир мехкарча МВД.
«Санкт-Петербургерча, Ростовски, Волгоградски, Воронежски областашкарча, Краснодарерча, Ставрополерча Россе МВД академешка, институташка дешаргдола кагирхой хоржаш болх ба, карарча хана мехкарча МВД дӏахьош. Диъ шера деша деза цига. Хьалхарча кхаь курсе студенташта 28 эзар сом стипенди тергда, 4-ча курсагара дӏахо - 38 эзар сом. Дийша ваьлча мехкарча полице балха отта гӏо дергда», - йоах тхогарча хоамо.
Российски паччахьалкхен бокъонаш лораеш, боаггӏача боараме шийна тӏадехка декхараш кхоачашде хьожаш болх бе ловр мехкарча МВД моттиге дӏатӏаваха веза укх адресах: Магас, Кулиева урам, 14; телефон - 8 (873)-455-00-51.Укх шера бекарга бетта 1-гӏа ди тӏакхачале де деза из. Полице болх беш хилар лоархӏаме, бехктокхаме гӏулакх да. Унахцӏенон хьал миштад хьожаш, комиссех чакхвала веза. ЕГЭ обществознани дӏаяла еза (чакхвоала балл - 42), иштта эрсий мотт (чакхвоала балл - 36).
