«Гвардейск» яхача Ерригача Россе кхетачене, дакъа лоацаш хилар вай мехкара кагирхой
Кӏимарса бетта 27-ча денгара маьцхали бетта 1-ча денга кхаччалца, Ржеве дӏайихьача «Гвардейск» яхача кхетаче, дакъа лоацаш хилар вай мехкара кагирхой. «Къонача Гвардера» хьинардараш, доккхача дикашка кхача гӏерта мехка тайп-тайпарча миӏингашкара къонабараш бар цига гулбеннараш. Къонабарашта лаьрхӏа лекцеш, дешара курсаш, Даьхенцара лерхӏам чӏоагӏбарах дола боламаш, иштта цӏихезача федеральни говзанчашцара вӏашагӏкхетараш дар цига дӏахьош.
«Кхетаче эггара лоархӏамегӏа дола дакъа дӏалоацаш яр Россе кхерамзлен Совета кулгалхочун гӏончаца, «Цаӏ йолча Россе» кулгалхочунца Медведев Дмитреца хинна кхетаче. Къамаьла юкъе цо белгалдир, Даьхе езаш хилар – цун хьал тоадеш дола гӏулакхаш доаржадеш хилар долга. Мехка юкъарча оагӏонцарча вахаре дакъа лоацаш, лоархӏаме, пайдане йола проекташ йоаржаеш хилара тӏахьийхар Медведев Дмитре кагирхой», - дийцар «Сердало» газетага «Цаӏ йолча Россе» вай мехкарча оагӏон доакъашхоша.
Белгалде деза, иштта йолча моттигаша къонабарашта боккха пайда белга. Цу тайпарча кхетаче шоай юкъарча оагӏонцара проекташ массанена дӏайовзийта, кагирхой моттигий хӏама тоадара тӏехьа хьалхара гӏа баккха аьттув боалл къонабарий.
