Мехкара кагирхой эскаре тӀабехаш ба
Шоай лоӀаме тӀема декхараш кхоачашде ухарашца болх бераш, ерригача Россе кагирхой кхетаче баха хилар. Кагирхошта цар дийцар цу оагӀонца дувзаденнача декхарех. Цу тайпара хоам «Сердалога» бир цу моттигера.
«Из болх вай кагирхошца массахана дӀакхухьаш латташ ба. Даьхен гӀулакха арабовла ловш болча кагирхошца къамаьл де, аьнна, кагирхой политикахи туризмахи йолча министерствон болхлоша «ТӀаргаме» бийхар Джамарзанаькъан Абу-Бакар, Ӏаьла. Хьаьшаша дийцар дехар мишта язде деза. Из дӀадахьийта йиш я почте гӀолла, цул совгӀа, «Госуслуги» яхача оагӀон кабинете дита йиш я»,- дийцар газетага.
Хургболча бӀухоша шоай каьхаташ тӀема комиссариате дӀачудала деза, лорашка чакхбаьнна, психологаца къамаьл де деза, цу дерригнех чакхваьлча, белгалъю гулбала беза моттиг. ТӀема декхараш кхоачашдерашта, цар дезалашта дуккхача хӀаман тӀехьа гӀо ду. Царех да университете деша отта новкъостал дар, ахчанца гӀо дар, иштта кхыдола вахарера гӀулакхаш кхоачашде аьттув хилар.
