ДӀадахар дагалоаттадара тӀехьа да вай къона ноахал
28.02.2025 11:34
Наьсарерча тайп-тайпара говзалаш Ӏомаеча колледжа студенташа къам мехкахдаккхара темах лаьца кхетаче дӀайихьар вай мехкарча дешархошца.
Из хоам «Сердало» газетага бир дешареи Ӏилмани гӀулакхех йолча министерствос. Студенташа дешархошта йийцар, селхан вай даьша лайна хало, цар текха Ӏазап вай дегашта цӀаккха а дицдала йиш йоацилга, къаман истори довзаш, лоархӀаш хилар керттера долга.
Масал доаладеш, цар дийцар деррига къам Даьхенах даьккха, хийрача мехка Ӏодахьийтарах, цига цар текхача деноех. Дукха хаттараш хилар дешархой цу темах лаьца, хӀара хаттар доашхаш болх дӀабихьар студенташа.
«Иштта йола кхетаченаш чӀоагӀа лоархӀаме я тахан, къаман истори дагакхоабача лоархӀаме дакъа дӀалоац цар», - дийцар министертсвон болхлоша.
