Шолжера кагирхой тӏахьех, тоаде деза доазонаш хоржаш, кхадж тассара
Шолжа-Шахьара администраце болхлоша тӏахьех кагирхой, Ерригроссийски доазонаш тоадара тӏехьа онлайн-кхадж тассара, яхаш, дийцар «Сердало» газетага мэре зарбан болх лелабеча Батиганаькъан Хьавас.
«Студенташца дӏайихьача цу кхетаче дийцар дег чура къамаьл, цига кагирхой шоайла дагабаьлар, иштта цар хаттарашта жоп а делар, шахьара дика хьалаш хьакхолларах дийцар.
Кхетаче дийцар хьалхагӏа кхоачашъяьча проектех, уж а яр иштта бахархоша кхадж тесса хьахержа. Из болх вӏашагӏбеллараша кагирхошта хьалхадаьккхар цу юкъе дика дакъа лацар. Кхадж тоссаш хургба, 2026 шера бекарга бетта 22-ча денгара кӏимарса бетта 12-ча денга кхаччалца», - аьлар хоамо.
Моттигерча ӏаьдало ма аллара, из болх дӏахьош ба «Вахара хьалаш» яхача къаман программанна, «Шахьара дика хьалаш хьакхоллар» яхача федеральни проекта чубоагӏаш.
