СКТЭК студенташта спектакль гойтар Кагирхой театра актёраша
«Таханара гӏулакхаш» яа спектакль хьекхар Чуранаькъан Х.Т. цӏерах йолча доагора- энергетически колледжа студенташта мехкарча Кагирхой театра актёраша. Чахкенаькъан Саӏида, Ахмадовгӏар М. произведенеех режиссёра Галай М. вӏашагӏабелла болх ба из. Тайп-тайпарча ханаца нийслуш дола хӏамаш довзийташ йола спектакль массанена езаенна йола дукха ха я.
«Ерригача Россе «Дешархошта лаьрхӏа культура» яхача дешара проектага гӏолла дӏахьош болх ба из. Хӏаранена довзаш, дега гарга дола хӏамаш дар актёраша сцена тӏара дӏагойтараш. Таханарча вахаре ший цӏи лораяр, ше цавоавар мишта хила деза гойташ бар актёраш. Чӏоагӏа дог айденна бар къонабараш санна, хьехархой а цу дийнахьа», - дийцар «Сердалога» Кагирхой театре.
Дӏа-хьа эцаш спектакла чулоацамах дувцаш бар колледжа студенташ, хӏаьта хьехархой иштта йола кхетаченаш дукхагӏа хиларо къонабарашта пайда бергхиларах дог тийша бар.
