Куташ лелаечо, хӏилла йийца, мехкахочунгара 75 эзар сом ахча даьккхад
Ший цӏен-даьна хиннача тийшача балхах дувца ера мехкахо, Шолжа-Шахьарера полице болхлой болча. Интернете гӏолла цун вовзаш хиннача сага цӏерах бувзаме ваьнна, ахча дийхад цо. Шийга яздеш вар дукхача хана денз вовзаш вола саг ва, аьнна, хеташ; 75 эзар сом ахча дӏатӏатессад вокхо. «Зуламхочун духьала РФ УК 2-ча даькъа 159 ст. гӏулакх хьадийллад Россе МВД «Шолжа кхала» яхача М0 Тохкама оагӏон болхлоша», - йоах «Сердалога» бенача хоамо.
МВД болхлоша массаза санна кхайкарал ду мехкарча бахархошка! Боккъал а цхьа кӏеззига мукъагӏа оашош леладеча хӏаман уйла еш хила, ма ӏехадайта шоаш зуламхошка.
Малашб ца ховча нахаца бувзаме ма дувла, нагахьа интернете гӏолла бувзаме баьнна, шоашкара ахча дийхадале, телефон дӏатехе из дехар бокъонцахьа малав тахка. Тийшаболх хиннабале, хьем ца беш ӏаьдала болхлошка хоам бе, шоашца бувзаме хинна адрес дӏагойта.
