Ачалкх оалача хи тIара тIий, тоадаь даьнна, хьадийллар
05.11.2025 21:46
ЦIенхаштта тоадаь даьнначул тIехьагIа, Ачалкх оалача хи тIа тилла тIий хьадийллар. Из хьалдаьдар 1957 шера, дукха ха яр из тоаде деза, хIанз таханарча дено дIадеххача беса да из, кхерамзле йолаш. Изз хоам «Сердало» газетага бир ГIалгIайчен Кулгалхочун, Паччахьалкхен зарбан болх лелабераша.
«Болх дIабихьар «ГIалгIай Республикан машиний наькъаш дегIадоаладар» яхача паччахьалкхен программах. Из дIаьха да 40 метр, шера да 15 метр, цудухьа паргIатта машинаш лела таро хургья цу тIа», - йоах хоамо.
ЦIенхаштта тоадаь хиларо таро лургья наькъахошта кхерамзлен Iалашо е.
