ГАИ болхлой цӀайца даькъалабийцар Татренаькъан Муслима
03.07.2025 12:55
ХӀара шерарча ахкан шоллагӀча бетта 3-ча дийнахьа дездеш долча шоай цӀайца, даькъалабийцар РФ Паччахьалкхен Думан депутат волча Татренаькъан Муслима ГАИ болхлой.
«Шуца цхьан тоабан юкъе айса болх баь ханаш, тахан дега йӀовхалца дагаух сона. Чоалханедараш юстардоахаш, наькъашкара кхерамзлен хьал тоаде гӀерташ, ма хулла цу оагӀонцара хӀама меттадоаладеш, къахьийгар цхьана. Могаш-маьрша долаш, аьттонца, беркатаца дахалда шо, дега паргӀата долаш хилда шун балхара денош! ХӀара дено дика дахьаш, лоархӀаме болх чакхбаккха аьттув болаш, хилба шун къахьегама никъ», - язду Татренаькъан Муслима ший телеграм- оагӀон тӀа.
