Машиний номераш тӏа байракх хилар лоархӏаме долга хьалхадоаккх МВД
ГОСТага диллача чӏоагӏа лоархӏаме да, машиний номераш тӏа Российски байракх латташ хилар. «Мочкхий-Юрт», «Волга- 14» яхача моттигашка гӏалгӏай машинаш «БМВ», «Лада Приора», «Мерседес-Бенц» , «Тойота Камри» соцайир ДПС болхлоша. Йиъе машина номераш тӏа триколор ца латтилга теркалдир цар. «Сердалога» Россе МВД зарбан болх лелабераша белгалдечох, иштта хила йиш йолаш дац из.
«РФ КоАП бокъон 1-ча д. 12.2 ст. бехктокхаме озаш ба машиний дай (машиний номераш Паччахьалкхен цу оагӏонцарча бокъоно дӏадехача тайпара цахиларах»), - дийцар тха газетага.
Мехкарча МВД кхайкарал ду, 2025-ча шера наджгоанцхой бетта 1-ча дийнахьа денз, машиний номераш тӏа триколор латташ хилар лоархӏаме долга! Цул тӏехьагӏа хьаийцача номераш тӏа байракх латташ ца хуле, ӏаьдало гӏод тохаргда шоана! РФ КоАП 1-ча д. 12.2 ст. иштта лела йиш йоацилга хьалхадоаккх, е 500 сом гӏод тох.
