«Укх шерара толашагӏа бола дешархой» яхача 10-ча преме 256 дешархо белгалвир вай мехка
Хӏара шера дӏакхухьача «Укх шерара толашагӏа бола дешархой» яхача 10-ча преме бӏарччача шера дикача оагӏорахьа, начӏал хиларца, нийса кхетам лоаттабарца белгалваьнна 97 хьехархо, 256 дешархо, 46 даь-нана белгалдир. Из хоам «Сердалога» бир цу моттигера.
«Дешара оагӏонца санна кхолламца а белгала хила аьттув баьлар Хучбаранаькъан вежараша дӏахьогча яхье Сурхо тӏарча, Аьлти-Юртарча, Эккажкъонгий-Юртарча, Яндарерча, Пхьилекъонгий-Юртарча, Бурокӏалхарча, Галашкарча, Дошлакъий-Юртарча 25 ишколан дешархой. «Магас» яхача спорта Двореце хилар тӏехдика дешараш, олимпиадашка котбаьннараш, хьинардараш белгалбеш йола кхетаче. 1000 сомагара 50 эзар сомага кхоачаш ахчан совгӏаташ делар царна. Кубок яьккхачунна а делар 50 эзар сом», - дийцар тха газетага.
Хучбаранаькъан Адама белгалдечох, къонабарий дегашка дешарцара безам чӏоагӏбар да цар керттера декхар.
