Машиний наькъашка керда белгалонаш еш латт
20.09.2024 17:02
Наькъашкара лелара кхерамзле лакхъяра лоархӀаме дош кхета а деш, республикан наькъий болхлоша, автомашинай наькъаш тӀа белгалонаш кердайоахаш латт, ГӏалгӀай Республикан Минавтодора балха из чудоагӀаш ма хиллара, яхаш, дийцар «Сердало» газетага цигарча наха.
«Таханарча хано дӀадеххача беса йола бийдал дӀа а йохийташ, тӀера бесазъяргйоаца, малхо йоагаергйоаца, тӀоадало дӀайоаергйоацача тайпара наькъа белгалонаш кердайоахаш латт», - аьлар ГӏалгӀайчен Минавтодоре.
Цул совгӀа, хӀара денна цар беча балха юкъедоагӀаш да машиний а гӀашлой а наькъаш цӀендар, наькъа йистошкара нувхаш дӀаяхар, Ӏолийга гӀаьнаш дӀадахар, иштта кхыдола лостама балхаш дар.
