Россе, Гватемалас дӀа-юха гӀулакхаш леладе бартчӀоагӀам бир Магасерча кхетаче
Нокхарий леладарца болча оагӀонцара бувзам чӀоагӀбир «ХӀарма» яхача Магасе дӀайихьача кхетаче Россеи Гватемаласи. Цу кхетачен балхах дувцаш хиннача Анисов Никитас хьоахадир Латински Америкацара бувзам чӀоагӀбеш дӀахьоча проектех, иштта хьалха денз Аргентинаца, Венесуэлаца, Кубаца, Мексикаца цхьана гӀулакхаш чӀоагӀдаь хиларах.
Нокхарий леладеш болча къахьегамхошца кхетаче дӀаяхьа лаьрхӀар, Мексике бахача хана. Мексикаца, Гватемалаца бувзам чӀоагӀбеча оагӀон хьалха латтача Богданова Татьянас белгалдир, цхьацца хӀама леладе безам болча наха вӀаший дагабувлара къамаьл деш, каст-каста кхетаченаш дӀакхахьа езаш хилар; хӀана аьлча иштта дӀахьоча балхаца кердадараш дӀа-хьа довзийташ пайда эца йиш я.
Россера нокхарий леладу гӀулакх хьаллоацаш йола паччахьалкхен программа юкъеяккха еза, аьнна, белгалдир РФ ОП комиссен хьалха латтача Магомедов Айгуна.Майя культуранцара хьадоагӀаш долча, Гватемалерча нокхарий леладеча гӀулакха исторех дийцар Сан-Карлоса университета доцент волча Вайдарес Астрида.
Цу оагӀонца дувзаденнараш 2025-ча шера Ӏан шоллагӀча бетта 23-25-ча деношка Уфе дӀаяхьа лерхӀача «АписБРИКС» яхача, нокхарий леладарах йолча къамашта юкъерча конгрессе, дикка доаржадеш, дувца дезилга белгалдир «Россе промышленни нокхарий леладераш» яхача ерригача Россе оагӀон хьалха латтача Кудашев Александра.
