Магаса «Ишкол 21» говзанча хьехам дӀахьош, къоастадергда бизнесмений ахчанцара гӏалаташ
«ХьатӀабоагӀа пайда юхатохаш дола предприниматели ахчанцара гӀалаташ» яхача говзанча хьехамо къоастадергда каст-каста нийслуш дола, уж бахьан долаш бизнесе ахчаш доадеш дола гӀалаташ. Кхетаче хургья ГӏалгӀай Республикан таьрахьашца дегӀаахара Академе.
«Бекарга бетта 4-ча дийнахьа практически кхетаче дӀахьоргья доалахьарча даькъ тӀарча викалца Марзагананаькъан Азаматаца, из ва финансай даькъ тӀа болх беш. Цо хьалхадоаккхаргда, деррига нийса леладе хьожаш вола саг а, кхыметтел хьатӀабоагӀа пайда боацаш хӀана хул. 13 сахьат даьлча дӀаболабенна 15 сахьат даллалца, доакъашхоша къоастадергда шоай доалахьара, иштта бизнес-финансай, дӏаяздеш цахиларах, касса хьалаш нийса цахиларах толхадеш дола гӀулакхаш. Предпринимателашта новкъостал дергда, харцахьа йола оагӀонаш лаха, кхоачамбоацараш белгалде, дӀахо уж юстардаха», - аьлар «Ишкол 21» оалача моттиге.
