Гӏалгӏай мехка маӏача сага нувхашта юкъера корайир 1600 автомата поатронаш
Наьсарен кхале гӏолла йолча Россе ОМВД полицега хоам бир телефонаца, шийна корадаь герз дӏадала безам хиларах, яхаш, дувц «Сердало» газетага республикан МВД.
МаIача сага дийцар, Наьсарен кхален Тӏой-Юрта йистерча нувхаш тӏара шийна поатронаш кораярах.
«Бокъонаш лораераш цу моттиге бахар, цига цу сага хьаелар 1620 автомата 5,45х 39 мм йола поатронаш», - аьлар ГӏР бокъонаш лораяра боахаме.
Уж тӏема гӏирсаш тахкар ГӏР гӏолла йолча МВД эксперта-криминалистически центро. Дӏабихьача балхага хьежача гуш дар, уж поатронаш боккъонца йолга, Калашникова автомата лаьрхIа уж хилар. Полици тохкаш я из хьал нийсдалара бахьан.
Республикан МВД болхлоша цIаькха а хьалхадоаккх цу тайпара моттиг нийсъелча, бокъонах доацаш леладеш дола герз хьадала дезилга. Цох хӏара сага доагӏаш дола ахча а дӏалургда паччахьалкхено, законаца дувзаденна хаттараш а хургдац.
