Аьга-Кхале къахьегама шоатта хилар
19.09.2025 11:31
Жӏайрахьа-Ахабоарзен паччахьалкхен историко-архитектурни, иштта Ӏалама музея-заповедника болхлоша укх деношка белхи беш арабаьнна, республикан дукхача наха хоза хеташ, цига салаӀа ухаш йолча Аьга-Кхала а, иштта цига Ӏододаш долча «Аьге-хин» йистера моттиг а цӀенйир.
Цу тайпара белхи бу заповедника болхлоша каст-каста. Бакъда мел чӀоагӀа нахага кхайкарал дарах, уж моттигаш бӀех ца еш лорае . яхаш, из дӀахозаш саг вац: культуран тӀехьален моттигашка, эздийча хьисапе салаӀа безам болаш саг вац, цар юхамаччахьа ду из.
Музея-заповедника зарбан болх лелабераша беча хоамах, цу дийнахьа гулдаь арадаьхар ткъо гаргга нувхий галеш.
