Магӏалбика кхаь урам тӏа, бахархоша дехарах, наькъаш тоадир
09.06.2026 11:26
Бахархоша дехар дарах, керда цӏенош хьалдаьча даькъ тӏа никъ ӏобиллар, яхаш, дийцар «Сердало» газетага шахьара администраце.
«Кхаь урам тӏара: Тенаькъан, Хаматхананаькъан, Дзейтанаькъан - наькъаш тоадир. Хьалхагӏа цига наькъаш дика дацар, гӏашлоша а транспортаца лелараша а халонаш ловра из бахьан долаш», - аьлар хоамо.
Из болх дӏахо а дӏахьоргболаш ба, бахархой вахара хьалаш тоадеш; урамашкара наькъаш кердадоахаш. Бахархошкара хьадоагӏаш мел дола дехараш моттигерча ӏаьдала тӏахьожам болаш да.
