Лоаман моттигашка, цхьаькха хин хьайра гучаяьлар
17.11.2025 10:53
Вай даьй баьхача лоаман тхьоврача юрташка тохкама балхаш дӏакхухьаш болча Жӏайрахьа-Ахабоарзен музея болхлошта цхьаькха хица кхетстаю хьайра гучаяьлар.
Лакхера Пхьуй яхача юрта кораяьй из. Ший хана из малагӏа тайпа болх дӏахьош хиннай ховргда тохкама балхаш чакхдаьлча, хӏаьта тахан музея болхлоша белгалдечох, хиy хьайра хиннай из.Цу тайпара болх дӏакхихьаб цар Тӏумгӏи, Фуртоуг, Маьшхи, Наькъасте, Юкъера Оздик яхача гӏалай моттигашка гучаяьннача хьайрашца.
«Хий додача оагӏонца хьалъяь я уж ерригаш. Маркхал юкъе боацаш дӏахьош хиннаб из болх. Вай ӏилманца, культуранца, истореца боккхача лоархӏаме да из деррига», - дийцар тхога музея болхлоша.
