Илдарха-Гӏалий тӏарча №1 йолча СИЗО 100 книжка дӏаделар къаман библиотеко
Книжкаш совгӏата луш дола Халкъашта юкъера Ди хьаллоацаш, Илдарха-Гӏалий тӏарча СИЗО 100 книжка дӏачуделар вай мехкарча Къаман библиотека болхлоша. Цу гӏулакхо хьагойт, книжкаш массайолча моттигашка лоархӏаме долга, тахан лийца боахкача наха шоай кхетама хьал лакхде, пайдане хургдар хьаллаца уж эшаш долга.
«Къаман библиотекан СИЗО совгӏата 100 тайп-тайпара книжка делар. Из гӏулакх дӏахьоча кхетаче баьхка хилар чухьарча гӏулакхий майор, №1 йолча СИЗО болхло вола Хоаной Илез, чухьарча гӏулакхий лейтенант Гӏазакханаькъан Фердовс, чухьарча гӏулакхий лейтенант Йовлой ӏийса, Цӏечой Хади.
Шоай библиотеканна из доккха, лоархӏаме совгӏат долга, крда книжкаш шоашта массахана эшилга белгалдир цар. Дӏалуш дола книжкаш довзийташ, царца болх дӏабихьараш бар библиотекай балха кулгалхочун гӏонча йола Малсаганаькъан Лида, Чагенаькъан Залина», - дийцар «Сердалога» цу моттигера.
Библиотекан болхлоша белгалдир, иштта бола болам боаржабар пайда беш, лоархӏаме долга библиотеканна санна мехкарча кхыча моттигашта а.
