Тӏахьожам лоаттабеча болхлоша «МАХ» яхача мессенджера лаьрххӏа йола оагӏув хьайийллар
Гӏалгӏай Республикан прокуратуро хьакхеллай лаьрххӏа йола «МАХ» яхача мессенджера оагӏув, яхаш, хоам бу цигара «Сердало» газетага.
«Из хьакхоллара бахьан да, мехка тӏахьожама, иштта бокъонаш лораяра болх наха бовзийташ хоам лоаттабар», - йоах хоамо.
Гӏалгӏай Республикан Прокуратуро бувзама оагӏонашка цахаддаш хоам бергба цу лостамагӏа дӏахьоча балхах, сурташ, иштта гойтама материалаш, лоархӏаме бола хоам, судашкара балха хьал, суда балха чаккхе, иск, заявлени йовзийтаргьбя. Иштта из оагӏув лелаерий таро хургья уголовни гӏулакхаш мишта дӏахьу, уж сенца чакхдоал ха, нах тӏаэца кхетаченаш дӏаяхьарах бола хоам, закона бокъонаш йовза, наха шоай бокъонаш лораяра де дезараш хьалхадоахаш хургья из оагӏув.
https://max.ru/ӏd602001153_gos оагӏонна хьатӏаязвелча, хӏара сага довзаш хургда тӏахьожама боахамера кердадараш, иштта долаш долча закона юкъедаьннараш.
