Лохерча Пхьуй цхьацца къаьнара хӏамаш корайир
12.02.2026 12:12
Хьайбашца лелаеш хинна хӏама корайир, Лохера Пхьуй яхача гӏалай юрта болх дӏахьош баьхкача археологашта. Из хоам «Сердалога» бир «Тӏехьале» яхача тӏоговзанчий ишкола доакъашхоша.
«№ 2 йолча гӏалан чура корадир говрашта багаехкаш хиннача дирстах дисар. Иззал ха йоаккхаш, кхы башха телха йоацилга гуш да из. Хьадувцачох, 1950-ча шерашка кхаччалца лелаяьй уж лоаман юрташка, бакъда дикка хьежача гучадоал из хӏама 1930-ча шерашкара йолга.
Цох даьлла тӏоарска телха дӏадаьннад, археологашта тохкам бе йисар аьшка хӏама я», - йоах тхога бенача хоамо.
