Гӏалгӏайчен халкъа фронто бӏухошта бохьийтаргба хий цӏенду гӏирс
«Халкъа фронт. Деррига - коталонна!» яхача гуманитарни новкъостала чудоагӏаш, «Мехка Къулбехье» ООО компане новкъостал ду, тӏема мугӏарашка латтача российски бӏухошта. Укх наькъа предприяте цига яхьийтар 10 йоккха кислорода канистраш, яхаш, дийцар «Сердало» газетага президента болама моттигерча исполкома кулгалхочо Тенканаькъан Башира.
«Из гӏирс лаьрхӏа ба молаш дола, иштта кхыча гӏулакха леладеш дола хий цӏендара. Тӏема хьалашка цӏена хий молаш хилар могашала эшаш да. Бизнеса оагӏорахьара цу тайпара новкъостал дар - из доккха гӏулакх да. Тахан эггара чӏоагӏагӏа тӏема хьалашка Даьхе лораеш латтача бӏухошта эшар да из, хӏара дийнахьара вахара хьал тоадара, могашал лораяра», - аьлар тхоца къамаьл даьчо.
«Мехка Къулбехье» ООО дӏахо а дика дакъа лаца лаьрхӏа я, Халкъа фронта лоаттадеча новкъостала юкъе.
