Халкъа фронто белгалйир Гӏалгӏайче гӏолла йола Къилбаседа-Кавказстата тоаба
«Халкъа фронт. Деррига коталонна!» яхача новкъостал дара чудоагӏаш, Гӏалгӏайче гӏолла йолча Къилбаседа-Кавказстата тоабо, лаьрххӏа йола тӏема операци дӏахьоча бӏухошта генератор яхьийтар. Тешшаме генератор тӏема мугӏаре хилар - из ца хилча даргдоацар да. Цо ӏалашо ю бувзама балха, техника лелаю, чоалханеча тӏема хьалашка вахар дӏадахьа таро лу.
«Геттара лоархӏаме да из цкъара болам цахилар. Гӏалгӏайче гӏолла йолча Къилбаседа-Кавказстата мугӏарерча наха каст-каста новкъостал лоаттаду вай бӏухошта, цар хьагойт Даьхе лораеш латтарашта керттера терко лоаттае езилга. Дӏадахача шера цу тайпара новкъостал дарах, Халкъа фронта исполкома кулгалхочо Кузнецов Михаила баркал оалаш каьхат дайтар царга. Оаха из боккхача безамца дӏаделар шоай гӏулакхашца Котало гаргайоалаеш латтарашта», - аьлар «Сердало» газетага Халкъа фронта моттигерча даькъа исполкома кулгалхочо Тенканаькъан Башира.
Вай бӏухой денал гойташ, Даьхе бахьан моастагӏа эшавеш латтача хана, укхаза цӏагӏа уж хьаллацар доаржадеш да. Цо хьагойт, тахан тӏема мугӏарашка латтараш бӏухой хинна ца ӏеш, деррига къам долга.
