Могашал эшаеннарий спорта гIулакх мишта латт техкар Къаман фронто
ДегIа могашал эшаеннарий спортацара, физически культурацара гIулакх мишта латт хьожаш хилар Къаман фронт, РФ Президента декхар кхоачашдеш. Из хIама тахкар духьа Наьсарерча Йовлой Берда цIерах йолча спорта Дворецага, иштта Буро кIалхарча, Наьсарерча ФОКашка, Шолжа-Шахьарерча спорта ишколага хьежар.
Тохкама балхо хьагойтар дог тедеш дацар. «Кхоачамбоацараш кIезига дацар. Стендашка дегIа могашал эшаеннарашта лаьрхIа цхьаккха хоам бац, царна лаьрхIа теха гIоргIа бола Iоакъа яц, спорте эшараш дац, царца болх дIабахьа Iомабаь болхлой бац. Спорта гIулакхех йолча моттигерча министерствонна из хьал ма дарра дIадовзийтад Къаман фронто.
Из болх дIахохьош латт. Тха декхар – цу хьалах дар белгалдар дац, боаггIача боараме хувцамаш дар да», - дийцар «Сердалога» мехкарча Къаман фронто. Из гIулакх боаггIача боараме тоаде дезарех да. МоллагIа, цу наькъ тIа нийсденнача кхоачамбоацарех хоам беш хила, яхаш, кхайкарал ду Къаман фронто. Цхьана къахьегаш, лертIача даккха деза цу оагIонцара гIулакх.
