Гӏалгӏайчера халкъа фронта доакъашхо котваьлар мехка спортивни даькъ тӏа
Халкъа фронта моттигерча штаба викала Чомаканаькъан Хьамида лакхара совгӏат даьккхар, кулгаш гӏортадарах йолча Россе чемпионате дика толамаш даьха. Ший хьинарца, низаца, чӏоагӏача оамалца цо цӏаькха а гойтар Гӏалгӏайчен спортсменаш чӏоагӏача яхьашка бала таро йолаш хилар.
«Оаха доаккхал ду цу тайпара нах тхоай тоабашца хиларах! Из Хьамида котало хинна ӏац, из дика масал да вай берригача кагирхошта. Цун толамо хьагойт, массахана хьалха хила везилга, вӏалла ца соцаш къахьега, халонашта духьалъотталуш хила везилга.
Оаха даькъалавувц Чомаканаькъан Хьамид сийрдача коталонца, спорта толамашца!» - аьлар «Сердало» газетага Гӏалгӏайчен президента болама викалаша.
Халкъа фронта викалаш массанахьа кхоачаш ба тахан. Цар шоаш дер гӏулакхашца чӏоагӏду. Мехка Халкъа фронта даькъо, ӏаьдала, бахархошта юкъера бувзам лелабу. Хьинар долча цар дика кхоачашду наьха хьашташ, цар керттера хаттараш тӏахьожаме лоаттаду. Чомаканаькъан Хьамида толамах тара хила гӏерташ хилар дика масал да гонахьарча наха.
