«Бералла наькъаша» шоай говзал лакхйир Шолжа-Гӏалий тӏа
Нохчий мехкарча паччахьалкхен хьехархой университете берий юкъарча оагӏонцарча ишколай кулгалхой гӏончаша лоаттабе безача балхах, бувзамах йола говзал лакхъеш хилар вай мехкахой.
«Сердалога» бенача хоамах, дукха хӏама чулоацаш программа яр из. Кулгалхой гӏончаша шоай балха юкъелаца дезача керттерчарех, иштта тахан хьадаьннарех дийцар цига. Вӏаший пайда эца, балха тӏа эшаргдола хӏамаш довза аьттув хилар цар.
Къаьстта терко еш дийцар, берий юкъарча моттигашца бувзам лоаттабеш, кхоачашде дезарех; дешархой пайдане хургдолча гӏулакхашта тӏахьехарах. Доакъашхоша белгалдечох, цига ӏомадаьр дикка накъадаргда царна шоай гӏулакха тӏа. Дешархой начӏал гучадоаккхача балха тӏа, шоай хӏама майрра доаржаде царна гӏо дара тӏехьа, эшаш да из деррига. Хьинаре болх дӏахьош, республикера цу оагӏонцара гӏулакхаш дикка тоадеш латт тахан «Бералла наькъаша».
