Тийшаболх лелабаь ӏаьдалах удаш хинна Гӏалгӏайчен вахархо, хьалаьцар Красный Сулин яхача моттигера
31.08.2026 13:31
Россе шин мехка бокъонаш лораеча болхлоша цхьана болх дӏабихьар, ведда лела зуламхо лоацаш. Ростовски областа Красный Сулин яхача шахьаре хьалаьцар из. Гӏалгӏайче гӏолла йолча Россе МВД уголовни розыска Урхаллено из лохаш вар, карарча шера аьтинга бетта денз.
«Сердало» газетага республикан МВД ма аллара, хьем боаццаш лахара болх дӏахьош дакъа лоацаш хилар зуламхой лахара гӏалгӏай болхлой, республикан МВД, экономически кхерамзленца, коррупцеца къовсам лоаттабеча Урхаллен бӏухой, иштта Россе ОМВД «Красносулински» моттигера полици.
Цунна бехк бу Россе УК 159 статьяй 4 дакъах. Из саг хӏанзарчоа нах лаьца боахкача моттиге чувоалл.
