Наьсаре кийчлуш я ший 245 шу дизара цӏай дезде
Гӏалгӏайчен Наьсарен-Шахьара 245 шу дузаш хилара чудоагӏаш, цу денна хетаяь дӏаяхьа еза кхетаченаш белгалъяьхай. Цу цӏай программа керттера декхар да нах вӏашагӏтохар, царга дика салаӏийтар, вай культуран тӏехьале, исторически дӏаяхача ханардараш довзийтар, тахан шахьара карагӏдаьннар гойтар.
«Сердало» газетага Наьсарен-Шахьара администраце ма аллара, цӏай дӏахьош эггара белгалйоалаш хургья кхачан фестиваль, из еррига хетаяь я къаман даарашта, кулинарни къайле йовзара, дукхача бӏаьшерашка денз хьадоагӏача гӏалгӏай хьаьша тӏаэцара ӏадаташта.
Исторически дагалоаттам лорабара кийчдеш да лаьрххӏа дола документальни фильм, цо хьакхолл ше ма дарра Наьсарен 245 шера дегӏаахара сурт. Цига гуш хургда цун керттера истори, вахарера моттигаш.
Цу цӏайна хетаяьча кхетаченна чудоагӏаш да шахьара ӏама юхера кердаяьккха моттиг, Малсаганаькъан К. цӏерагӏа парк хьаеллар.
Цӏайна керттера дакъа да, «Къахьегама саг» яха йоккха проект дӏайолаеш хилар. Цо дувцаргда Наьсарен-Шахьара бахархоша, хӏара денна къахьегаш, шоай гӏулакх, хьамсара мохк безаш, Наьсаре мишта дегӏайоалайир.
