Шолжа-Гӏалий тӏарча «ЧГУ» тоабанна духьала лайзача, котало яьккхар «Ангушта» футболисташа
Шолжа-Гӏалий тӏарча «ЧГУ» тоабанца хиннача ловзара юкъе котало яьккхар вай футболисташа.
«Геттара чӏоагӏа айденна ловзар дар цига хиннар. Ловзара хьалхарча дакъаца «Ангушта» юкъерча Овшанаькъан Аслана бургац нийса чутехар духьаллаттарий наӏарашка. Хӏаьта шоллагӏча дакъаца нохчий тоаба тӏехьакхийра «Ангуша». Бакъда ловзар чакхдала 20 минот йисача хана, Бабаханов Амина чутехача бургацо хийцар деррига. Вайбраш котболаш, 3:2 йолаш чакхдаьлар ловзар», - дийцар тха газетага футболах йолча Федераце.
Белгалдечох, укх тӏехьарча хана дӏадихьача ийс ловзара юкъе кхозза котало кхаьчар «Ангуштага», ши ловзар цхьаккха а кот ца воалаш чакхдаьлар, диазза ийшар. Эггара толашагӏа вола футболист ва аьнна къоаставир йиъ бургац чутеха Овшанаькъан Аслан. Укх бетта 28-ча дийнахьа Хасавюртарча «Котало» яхача тоабанна духьала ловза безаш ба «Ангушта» футболисташ.
